વોર્ડ નં. 5ની કોર્પોરેટર નિરાલી પટેલની ઉપસ્થિતિમાં હીરાબા ખમકાર ફાઉન્ડેશન દ્વારા આજે એક મહત્વપૂર્ણ અને પ્રેરણાદાયી પહેલ હાથ ધરવામાં આવી. આ અંતર્ગત 1100 દીકરીઓને શિક્ષણ સહાય રૂપે રૂ. 7,500 ના ચેકનું વિતરણ કરવામાં આવ્યું.
આ ચેક વિતરણ કાર્યક્રમ શ્રી પિયુષ દેસાઈના હસ્તે યોજાયો હતો. સાથે-સાથે દીકરીઓને તેમના અભ્યાસમાં ઉપયોગી થાય તેવા શૈક્ષણિક પુસ્તકોનું પણ વિતરણ કરવામાં આવ્યું.
કાર્યક્રમ દરમિયાન દીકરીઓના શિક્ષણને સમાજના વિકાસનું મજબૂત આધારસ્તંભ ગણાવીને, આ પ્રકારની પહેલો તેમના ઉજ્જવળ અને સશક્ત ભવિષ્ય તરફનો મહત્વનો પગથિયો હોવાનું જણાવાયું. હીરાબા ખમકાર ફાઉન્ડેશનની આ પહેલને ઉપસ્થિતો દ્વારા ખૂબ સરાહના મળી.
